|
ONLINE VERSION |
|
|
PRINT VERSION |
|
Одбележан денот за акција против отпадот и инсенерацијата
Нулти-отпадоци, основа за поздрава околина
Граѓаните на повеќе од 45 држави и годинава го одбелжаа 7 септември, глобалниот Ден за акција против отпадот и инсенерацијата. Тие упатија гласно барање за иновативни и еколошки решенија што ќе се однесуваат на растечкиот волумен и токсичност на отпадот.
И македонската граѓанска организација “Еко свест” се вклучи во глобалната кампања преку подигнување на јавната свест на локалното население за проблемите со отпадот во Македонија. Во текот на една седмица од страна на над 200 граѓански коалиции беа организирани активности за информирање на јавноста, дијалози со заедниците, собири и средби со владини претставници. Граѓанските организации покренаа иницијатива за замена на штетните инсенератори и спречување на отпадот на самиот извор на создавање, за намалување и отстранување на токсичните материи, за зголемување на одговорноста на производителите и интензивирање на рециклирањето и компостирањето.
“Одржливото управување со отпадот е еден од приоритетните проблеми што треба да се решат во нашата земја. Граѓаните треба да се информираат за вредноста на отпадот што го фрлаат секојдневно и за принципите редуцирај, реупотреби и рециклирај. И властите би требало да направат повеќе за ова прашање, особено за создавање услови за сепарирано собирање и рециклирање на отпадот”, рече Марија Јанковска од Еко свест.
Кампањата по повод глобалниот Ден за акција против отпадот веќе четири години е координирана од ГАИА, Глобалната алијанса за алтернативи на инсенерацијата, која е непрофоитна мрежа составена од граѓански здруженија и индивидуалци. Алтернативите за нулти-отпадоци ги намалуваат негативните здравствени ефекти, придонесуваат кон одржливо искористување на ресурсите и кон градење на локалната економија.
С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
