|
ONLINE VERSION |
|
|
PRINT VERSION |
|
Изложба во организација на НВО Арт Студио
Ликовни дела посветени на мирот
Во септември 2001 година земјите членки на Обединетите нации официјално ја донесоа Резолуцијата А/Рес/55/282 со којашто го основаа 21 септември како Ден на мирот, кој секоја година се одбележува како ден на глобалниот прекин на огнот и насилството и како ден на глобалната унија на мирот.
На покана од Џереми Гили, од глобалната организација на Пис ван деј (Пеаце оне Даѕ), со активно учество во одбележувањето на Денот на мирот се вклучи НВО Арт студио. По тој повод во холот на НУБ „Свети Климент Охридски” во Скопје беше поставена ликовна изложба на млади автори од 12 земји во светот.
„Целта на Арт студио е да ги инспирира и да ги мотивира сите граѓани, како и да оформи една нова платформа каде што преку креацијата и уметноста се еманципира и се култивира едно зрело демократско општество” - истакна Ирена Гапковска од НВО Арт студио.
Во присуство на голем број млади ликовни автори од нашата земја изложбата ја отвори Глигор Ташковиќ, министер за странски инвестиции во Владата на РМ. Освен ликовните дела, на изложбата беше прикажан филм со пораки за мирот, кои пристигнаа од Лондон.
Настанот во Скопје беше снимен и со дополнителни пораки за мирот од Македонија во ДВД-формат ќе биде испратен во Лондон, каде што ќе биде претставено учеството на нашата земја во одбележувањето на Денот на мирот.
Скептицизмот дека во светот некогаш мирот ќе стане реалност е голем и реален, но пораката на овој настан е да се претстави гласот на личноста и на Денот на мирот да се потврди уште еден идеал - дека гласот на личноста има влијание и моќ во решавањето на проблемите и конфликтите на глобално ниво.
Т.Д.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
