|
ONLINE VERSION |
|
|
PRINT VERSION |
|
Прва Балканска конференција за машинските кругови
НОВ ПОЧЕТОК ЗА ЗЕМЈОДЕЛЦИТЕ ОД БАЛКАНОТ
На Првата Балканска конференција за машински кругови што се одржа на 19 и 20 октомври 2006 година во Пробиштип се собраа експерти од земјите на Западен Балкан и ги поделија своите искуства. На конференцијата присуствуваа претставници на Министерството за земјоделство, шумарство и водостопанство, на Проектот за поддршка на фармерските асоцијации на Република Македонија (СФАРМ), на ИФАД 2, на ГТЗ-МАФП, како и претставници на машинските кругови од Словенија, од Хрватска, од Босна и Херцеговина, од Србија и од Унгарија.
Конференцијата ги опфати најважните теми што се однесуваат на организирање на употребата на приватната механизација: важноста на намалувањето на трошоците на земјоделската механизација со помош на кооперативност во земјоделството; функционирање и калкулација на цените на услуги во машинскиот прстен; воведување напредна земјоделска обработка на ниво на здруженија. Беше презентирана и новата земјоделска механизација од програмата на „Симпекс” Битола.
Проектот за поддршка на фармерските асоцијации на Република Македонија и неговиот начин на изнаоѓање структури за организирање на употребата на приватни машини беше вистинскиот начин на организирање на машинските кругови.
Соработката на машинскиот круг од Словенија со националната влада во делот на законодавството беше презентирана од Марјан Доленшек, директор на здружението Машински круг на Словенија.
„Законот за земјоделство (Службен весник на Р.С. бр. 54/00) ја нагласува важноста од меѓусоседска помош, а членот 78 ја поставува целта (поефикасна употреба на земјоделската и шумарската механизација, работна сила и други капацитети за производство) за основање машински круг и нуди законска основа за кофинансирање на работата на Машинскиот круг од јавни фондови. Законот не го опфаќа прашањето за оданочување на меѓусоседската помош” - рече Доленшек.
Словенија (покрај Унгарија, која делумно успеала да го стори тоа) е единствената посткомунистичка земја која ја сфатила важноста од меѓусоседска помош којашто го следи моделот на Западна Европа што функционира веќе над 40 години.
Федерацијата на фармери достави предлог-закон до Министерството за земјоделство, шумарство и водостопанство за машинските кругови кој е ист како и словенечкиот закон за земјоделство и рурален развој којшто е во процедура на изработка.
На крајот на Конференцијата беше потпишан Меморандум за регионална соработка помеѓу машинските кругови од Македонија, од Словенија, од Унгарија и од Босна и Херцеговина. „Реакциите од учесниците беа повеќе од позитивни”, ни рече г. Николчо Колев, претседател на Машинскиот круг од Пробиштип. „Тоа е нов почеток за земјоделците од Балканот, нов почеток на нашата соработка”, додава тој.
Учесниците на конференцијата се договорија следната средба да ја имаат во Босна и Херцеговина. Првата Балканска конференција на машинските кругови е мал чекор кон изградбата на доверба меѓу луѓето, а особено меѓу земјоделците.
Г.Ј.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
