|
ONLINE VERSION |
|
|
PRINT VERSION |
|
погледи: Гоце Стојановски
ГРАЃАНСКИОТ СЕКТОР ЧЕКОР НАПРЕД ПРЕД ВЛАСТА И ПОЛИТИКАТА
Многу граѓански организации од земјата се стекнаа со меѓународен рајтинг и реноме кои треба и понатаму да се унапредуваат, а не заради субјективни слабости да се ослабнуваат нивните позици на меѓународен план, а со тоа, и Македонија да губи
Светот постојано се менува, глобализацијата придонесува за менувањето на многу закоравени погледи, посебно кон сфаќањето и практикувањето на власта. Светот во некои области с$ повеќе се интерегрира, а со тоа станува меѓузависен и неделлив за решавање на стратешките проблеми.Тоа беше причина за „рушење” на многу бариери, за движење на идеите и демократските процеси, партнерствата и зближувањата на народите преку нивните културни и економски вредности, кои доведоа до менување на политичките сфаќања и режими.
Во тој широк спектар на демократски процеси, посебна заслуга и значење имаат граѓанските организации - најпрво преку еколошките движења, развивањето и почитувањето на основните права на човекот, па с$ до воспоставување заеднички блокади за негативните појави и тенденции.Тука пред с$ се мисли на големите опасности за човештвото како што се општата загаденост на животната средина, уништувањето на озонската обвивка, појавата на опасните болести, ширењето на тероризмот и трговијата со луѓе, создавањето нови монополски центри и региони. На сите овие глобални процеси ниту Македонија не остана имуна и мораше во чекор да ги следи тие движења. Како резултат на транзициските процеси во регионот и во нашата земја се појавија голем број ГО, секоја од различни интереси и побуди на граѓанските групи. Тие се ставени во една правна рамка, која во себе содржи и многу лимитирачки фактори за нивното дејствување како граѓански здруженија.
Кои се мотивите голем дел од граѓаните да се определат во граѓанскиот сектор?
- Практикувањето на демократијата во изминатите 15-тина години покажа дека граѓанските групи се здружуваат за да избегаат од теснопартиските стеги и интереси, ограниченоста за искажувањето на креативниот дух, посебно на младите интелектуални групи. Едноставно широкиот спектар од можности да се дејствува и да се дојде до израз, овозможија формирање граѓански организации, кои се чекор понапред од партиските структури, во кои нема демократија. Сето тоа придонесе за создавање силни граѓански организации кои се наметнаа како неодминлив фактор во донесувањето многу важни политички одлуки и потези на власта. Шареноликоста на граѓанскиот сектор придонесе за реализација на безброј проектни идеи, движења со кои се решаваа клучни проблеми на национално ниво, во централните и локалните средини.
Со зајакнувањето на граѓанскиот сектор се изврши пресудна улога во Македонија во одреден временски период актуелните власти да мора да го почитуваат граѓанскиот интерес при донесувањето на многу важни закони и одлуки со кои се градеше граѓанското општество, се ублажуваа меѓунационалните тензии и недовербата.
На тој начин граѓанскиот сектор си го најде своето место во општеството, одигра важна улога во еволутивниот пат на политичките партии, а за тоа говори и промената на актуелните властодршци во различните мандатни периоди.
Актуелните политички состојби нема да се променат без активното вклучување на граѓанскиот сектор, а решавањето на клучните проблеми: невработеноста, организираниот криминал, корупцијата, спречувањето на трговијата со луѓе, намалувањето на бедата и сиромаштијата се само дел од областите во коишто која било власт нема да ги реши самата. Ваквите состојби бараат изнаоѓање начини за заедничко дејствување со рамноправен партнерски однос за да се добијат очекуваните резултати. Европа ќе знае да го цени тоа, во спротивно ќе добиваме негативни сигнали кои и понатаму ќе н$ држат на нејзината периферија. Од нас зависи кој пат ќе го избереме и колку долго ќе н$ води до крајната цел.
Решавањето на проблемите со организираниот криминал и корупцијата е предизвик и за граѓанскиот сектор, тука нема дилема дека треба конретно да се лоцираат нивните средишта и радикално да се менуваат работите. Иднината на граѓанскиот сектор треба да се гледа во неговата поголема флексибилност за дејствување, подготвеност и организираност во посочувањето на негативните страни од практикувањето на власта. За тоа има ресурси и потенцијали, но се зависи од нивното правилно насочување и искористување. Многу граѓански организации од земјата се стекнаа со меѓународен рајтинг и реноме кои треба и понатаму да се унапредуваат, а не заради субјективни слабости да се ослабнуваат нивните позици на меѓународен план, а со тоа, и Македонија да губи.
Можностите за дејствување на граѓанскиот сектор се големи, само треба да се користат за остварување на вистинските цели кои ќе донесат и вистински резултати. Граѓаните со право го очекуваат тоа, како од власта, така и од граѓанскиот секторот, нема други алтернативи, досега имаше премногу политиканство и драгоцено изгубено време.
Светот оди напред, не треба да бидеме на најниските скалила во многу сфери од животот на нашите луѓе. И ние географски & припаѓаме на Европа.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
