|
ONLINE VERSION |
|
|
PRINT VERSION |
|
Јавна расправа за предлог
Стратегија за соработка со граѓанскиот сектор
Јавна расправа за предлог-стратегијата за соработка со граѓанскиот сектор се одржа на 30 ноември, 2006 година во Скопје, на која разговараа претставниците на граѓанските организации и Владата на РМ. На големиот број заинтересирани претставници на граѓанските организации им се обратија Даниела Трајановска, генерален секретар на Владата на РМ, и Луиџи Сандрин, раководител на Европската агенција за реконструкција.
„Свесна за важноста на демократскиот израз, ефикасноста и умешноста на граѓанските организации, во стратегијата Владата ги внесува основите на соработката со граѓанските организации и се зазема систематски да ги зајакне основните услови за побрз и поефикасен развој на овој сектор”, рече во своето обраќање Трајановска. На јавната расправа зборуваа и Сузана Никодијевиќ-Филиповска, раководител на Секторот за анализа на политиките и координација при Владата на РМ, и Елизабета Недановска, раководител на Одделението за соработка со невладините организации во Владата на РМ. „Не постои демократија и национална солидарност без социјален дијалог, функционален систем на претставување на интересите и силно граѓанско општество”, рече во своето обраќање Никодијевиќ-Филиповска. „Изработката на предлог-стратегијата во голем степен беше партиципативна и е резултат на активностите во проектниот тим на проектот од КАРДС „Техничка поддршка на Одделението за соработка со граѓанското општество во Владата”, што се реализира преку Европската агенција за реконструкција, во соработка со КОВИ (ЦОЊИ) од Данска, ИНТРАК (ИНТРАЦ) од Англија и Македонскиот центар за меѓународна соработка, со претставници на релевантните државни институции, како и претставници од граѓанските организации, избрани од Граѓанската платформа на Македонија”, додаде таа. Најзначајната улога на Одделението за соработка со невладините организации е координирањето на реализацијата на стратегијата за соработка со граѓанскиот сектор. Текстот на предлог-стратегијата го презентираше Наташа Габер-Дамјановска. Целиот текст во пдф-формат може да се преземе на www.graganskisvet.org.mk.
Претставниците на граѓанските организации имаа можност по презентацијата да ги кажат своите забелешки и сугестии до тимот што работеше на текстот на стратегијата. Тоа најчесто беа сугестии да се внимава на критериумите за транспарентно финансирање од страна на Владата што е една од компонентите на проектот за нејзина техничка поддршка, но и за поголема вклученост на граѓанските организации во донесувањето на законите кои имаат влијание за нивното функционирање.
Се очекува стратегијата да биде усвоена од страна на Владата до крајот на 2006 година.
Г.Ј.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
