|
ONLINE VERSION |
|
|
PRINT VERSION |
|
Реакции на Првата детска амбасада Меѓаши
Децата се злоупотребуваат политички и се користи нивниот труд
Првата детска амбасада во светот – Меѓаши остро реагираше на вклучувањето на децата во годинешното одбележување на денот на македонската армија. Амбасадата ја осуди оваа, како што ја нарекоа злоупотреба на децата во политички цели, за агитирање и политичка кампања за влез на Македонија во НАТО, а своите критики јавно ги упати до министерот за одбрана, Лазар Еленовски и на Детската амбасада за сите деца во светот од Прилеп.
„Да се настапи со мото ’Македонија во НАТО, ние децата нивно злато’, говори доволно и за покровителот, министерот за одбрана, и за организаторот, Детската амбасада за сите деца во светот. Срам е за Министерството кое троши државни пари од граѓаните и поддржува граѓанска организација која ги злоупотребува децата за политички цели” - посочија од Меѓаши, чии членови, за овој случај, упатија и претставка до Народниот правобранител, Иџет Мемети, и побараа оставка од министерот Лазар Еленовски и бришење на Детската амбасада за сите деца во светот од регистерот на граѓански организации.
Во текот на август Првата детска амбасада во светот – Меѓаши реагираше и по повод злоупотребата на десткиот труд, иницирана од смртта на 13-годишниот Авни Адеми од Гостивар, кој го загуби животот рабитејќи во сервис за миење автомобили.
„Ова е драстичен пример за кршење на одредбите од Конвенцијата за правата на детето, Конвенцијата против најлошите форми на детски труд (182) и на Националните закони”, посочи Меѓаши и го повика Јавниот обвинител да преземе мерки согласно националните закони и меѓународните регулативи, односно да поднесе кривична пријава против Ф.Љ. - сопственик на сервисот за миење автомобили, наедно апелирајќи за злоупотребата до трудовите инспектори, за кои сметаат дека не им посветуваат доволно внимание на работодавците кои ги злоупотребуваат децата како работна сила, и со тоа го кршат Законот за работни односи на РМ.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
