ВО ОРГАНИЗАЦИЈА НА ОБСЕ

Трчачка мировна манифестација
 

Во организација на ОБСЕ, а под покрови­телство на претседателот на Маке­до­нија, г. Борис Трајковски, на 18 мај годинава, се одржа традиционалната „Цветна трка“. Се трчаше на релацијата Тетово-Скопје, долга 42 км. Оваа манифестација се одржува седми пат, од 1995 година, во традиционален спортски и хуманитарен дух. Како што изјави портпаролот на ОБСЕ, г. Волфганг Гревен, трката претставува голема мирна демон­страција и доказ дека е можно луѓе од различни националности заедно да работат и да се забавуваат.

Годинава учествуваа над 800 лица, односно 42 екипи од по 20 учесници, од домашни и меѓународни граѓански организации, од владини и меѓу­вла­дини аген­ции, како и од странски ам­ба­сади и институции во зем­јава. Прва од пло­штадот во Те­тово до плоштадот во Скопје годинава прис­тигна екипата на Градот Скопје. Ова е нивна трета победа во досе­гаш­ниот исто­ријат на трката за про­мо­ција на мирот и раз­бирањето.

Средствата со­бра­ни од трката ќе им бидат доделени на здруженијата на децата заболени од церебрална парализа од Скопје и од Тетово и на Здружението на децата со оштетен вид.                                   

 Д.М.