Средношколците од Литванија победници

Во Собранието одржано Светско првенство во дебатирање

Средношколците од Литванија се победници во Светското пр­венство во дебатирање, што во јули се одржа во македонското Собрание. Тие, за големиот пехар се натпреваруваа со сред­ношколците од Летонија на тема на кој начин да се побе­ди дрогата. Средношколците од Летонија се обидуваа да до­ка­жат дека позитивната стратегија за намалување на ште­та­та од користење на дрогата преку граѓанските организации со доброволно лекување е подобар начин, додека Лит­ван­ци­те го поддржуваа законот и обврзувачкото лекување од ова зло.

Јан Ивичек од Чешка беше прогласен за најдобар дебатер. Ма­нифестацијата е одржана во организација на Младинскиот обра­зовен форум, во соработка со Меѓународната дебатна асо­цијација и на неа учествуваа над 220 средношколци од 25 земји од светот. Покровител беше претседателот на Собра­нието, Љупчо Јордановски кој меѓудругото рече дека одбраните теми се актуелни во сите држави во светот без разлика на нивниот развој и географска положба, нагласувајќи дека особено задоволство му причинува можноста да следи како младите од целиот свет дискутираат, дебатираат, предлагаат решение и визии за решавање на вакви сериозни прашања. Тој дополни дека Македонија како држава која ги промовира демократијата и толеранцијата како највисоки вредности, е вистинското место за ваков корисен и едукативен собир, а нејзината највисока законодавна институција е најсоодветно место за финалето во натпреварот по дебатирање.