|
ONLINE VERSION |
|
|
PRINT VERSION |
|
Календар
1 септември: Ден на мирот
Првиот септемвриски ден е посветен на светскиот мир. Под покровителство на ООН, се одржуваат пацифистички манифестации низ целиот свет, во кои активно учествуваат граѓанските организации но и сите противници на војната и оружјето.
6 септември: Ден на исчезнатите лица
Исчезнатите лица, во војни или во природни непогоди, се голем светски проблем. На овој ден се спроведуваат различни акции за пронаоѓање на овие лица и за сузбивање на проблемот.
16 септември: Заштита на озонската обвивка
Овој ден е посветен на Земјиниот природен штит од штетните зрачење што доаѓаат од вселената – озонската обвивка, која с$ повеќе ја оштетуваме. Еколошките здруженија повикуваат на помало загадување, а секој од нас да ги бојкотира производите што ја оштетуваат обвивката.
18 септември: Ден на геолозите
Професионалците од областа на геолошката наука го слават својот “еснафски” ден. Ова е повод да се укаже на важноста на оваа базична научна гранка за развојот на секоја држава, а особено на оние кои имаат богати рудни и други ресурси, како што е Македонија.
22 септември: Ден без автомобили
Како иницијатива на Европската комисија, на денот без автомобили треба да ги оставиме возилата паркирани дома. На работа, училиште, или каде и да одите, тргнете пеш, како сопствен придонес против загадувањето од сообраќајот.
26 септември: Ден на чисти планини
Едно старо еколошко правило вели: Во планината остави ги само своите стапки, а од неа понеси го мирот и спокојството. И фотографиите од убавите предели, би додале, но растенијата, животните, камењата и другите природни ресурси оставете ги во нивната околина. И секако, понесете го својот отпад со себе.
27 септември: Ден на туризмот
Светскиот ден на туризмот се прославува кога главната туристичка сезона е веќе одмината. Но, целта на оваа манифестација е да повикува на одржлив туризам – таков што нема да ја загрози природата ниту пак автентичната култура на туристичките места.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
