|
ONLINE VERSION |
|
|
PRINT VERSION |
|
Париска конференција за биодиверзитетот
Да се зачуваат екосистемите
Од 19 до 21 септември над 400 учесника од цивилниот сектор и од владите на земјите на Европската Унија, на Латинска Америка и на Африка се собраа во Париз за да ја разгледаат можноста за зачувување на биодиверзитетот, и начините како биодиверзитетот да стане интегрален дел од соработката во Европа и пошироко. Учесниците на конференцијата „Биодиверзитетот во европска соработка”, која беше во организација на земјите членки на ЕУ, како и на ИУЦН (ИУЦН) - Светската организација за конзервирање на природата, ја искажаа својата загриженост поради тоа што поради константното пропаѓање на екосистемите се загрозува системот на одржливиот развој, кој треба да го подобри животот на најсиромашните луѓе на планетата.
„Не е невозможно екосистемите да се одржат и да се вратат во некогашната многу подобра состојба. Треба само општа акција и не заборавајте, ние ги враќаме екосистемите во првобитната состојба, не создаваме нови”, изјави на конференцијата Аким Штајнер, директор на Програмата за екологија на Обединетите нации.
Потребата да се зајакне врската помеѓу биодиверзитетот и одржливиот развој е препознаена од меѓународната заедница којашто зачувувањето на биодиверзитетот го дефинира како придонес да се намали сиромаштијата и биодиверзитетот како есенцијален чинител на сиот живот на планетата Земја.
Учесниците особено внимание му посветија на зајакнувањето на цивилниот сектор, истакнувајќи дека токму цивилниот сектор е клучен кога се работи за зачувување на екосистемите. Имено, цивилниот сектор има најмногу допир со локалната заедница, ги знае нивните потреби, а од друга страна овој сектор е с$ повеќе рамноправен партнер на владата во сите сфери.
До 2010 година треба да се постигне целта во биодиверзитетот, т.е. да се зачуваат и да се вратат повеќето екосистеми во првобитната состојба и затоа целата меѓународна заедница во следните години ќе работи под мотото да се стопира загубата на биодиверзитетот до 2010 година и по неа. Цел, која н$ засега сите!
М.К.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
