Мобилизација на ресурси I

Мобилизација на ресурси наспроти мобилизацијата на фондови

Во овој и во наредните неколку броеви на Гра­ѓан­ски свет во рубриката онцепти ќе пи­шу­ва­ме за обилизацијата на ресурси, оп­фа­ќај­ќи ги нејзините концепциски основи, стратегиите за мобилизација на ресусри и различните на­чи­ни на мобилизација на ресурси.

 
Мобилизација на ресурси наспроти фандрејзинг (мобилизација на фондови)

Меѓу здруженијата на граѓани во Македонија терминот фандрејзинг (мобилизација на фондови/пари) ста­­нува с$ попопуларен, проширувајќи го досегот од пи­шување предлог-проекти и аплицирање кај донаторите на нешто што вклучува и организирање различни настани и активности за прибирање донации од индивидуалци, бизниси и сл. Но и понатаму, главно се го­вори за прибирање финансиски средства. Ние се­пак преферираме да зборуваме за мобилизација на ресурси, што подразбира проширување на мобилиза­ци­ја и на работи коишто секако ни се потребни/не­оп­ход­ни, а не се пари.

Се разбира с$ има своја цена на чинење и на крајот и тие работи/ресурси во буџетот ќе ги прикажеме пре­ку нивната финансиска вредност. А некои велат „со па­ри може да се купи с$”, па според тоа овие два концепта би можело да се поистоветат. Но се чини де­ка не е и не може да биде така, посебно во контекстот кога македонските здруженија на граѓани се по­ве­ќе ќе треба да се свртуваат кон домашната под­дршка.

Намерата на нашите организации е да ги спроведува­ме планираните активности,  да ја остваруваме на­ша­та мисија и да ги постигнуваме зацртаните цели. За тоа е неопходно да ги обезбедиме/мобилизираме пла­ни­раните ресурси. До нив можеме да дојдеме преку фон­дови обезбедени со донација, но секако, ако не повеќе, барем еден дел можеме да ги обезбедиме во друга форма. Сигурно е дека во наши услови за многу локални поддржувачи на нашата работа е многу теш­ко или невозможно да обезбедат донација во кеш, но се расположени да придонесат со добра, услуги, експе­ртиза, волонтерска работа и сл.

На пример многу е веројатно дека не можеме да оче­ку­ваме значајни парични донаци од локалната самоуправа, имајќи ги предвид малите и ограничени буџети на поголем број од нашите општини. Но многу од оп­шти­ните ќе имаат можност и слух да обезбедат простор во кој може да се сместат канцелариите на некоја локална граѓанска организација. А таа ставка не  е ни најмалку за потценување во годишниот буџет за секоја организација.

За многу наши активности многу повеќе ќе значат не­кол­ку реда напишани во некој дневен весник отколку финансиска донација од истиот. А да не зборуваме за тоа што пристапот до информации станува с$ пова­жен. Обезбедени свежи информации и ажурирани по­­датоци можат да бидат многу вредна контрибуција за која некогаш и не се потребни пари или пак која не­когаш со пари не може да се купи.

Мно­гу проекти бараат поддршка од граѓаните, авторитетите и институциите и нивно застанување зад на­ши­те ставови. На пр., организирање протести, пот­пи­шу­вање петиции, промена на закони и сл. И тука клу­ч­на станува нашата кауза и како ние ја презентираме иста­та, колку е прифатена таа, колку сме моќни да мобилизираме луѓе, колку луѓето имаат доверба во нас, какви се нашите релации и комуникација. Од­нос­но, клучна станува нашата способност да го мобили­зи­ра­ме нашиот социјален капитал, нешто што која било до­нација не може толку едноставно да го обезбеди, нешто што свесно или несвесно сме го граделе од по­че­токот на постоењето на нашата организација. Во ба­рањето локална поддршка социјалниот капитал до­би­ва с$ позначајна улога, а се чини досега не му пос­ве­тувавме доволно внимание.

 

Поимник 

 
Ресурси се сите работи, средства, кои имаат некаква економска вредност. Во терминологијата на проектниот менаџмент ресурсите се неопходни за да се изврши проектната задача и тоа може да бидат луѓе, опрема, простории, пари и сето друго што е потребно да се комплетира проектната активност.

Мобилизација на ресурси - процес на прибирање ресурси од провајдерите на ресурси со користење различни механизми за да се спроведуваат активностите на организацијата.

Фандрејзинг (мобилизација на фондови) - организиран напор, активност, процес на барање и прибирање пари преку донации од индивидуалци, бизниси, добротворни фондации или владини агенции. Иако фандрејзингот типично се однесува на напорите да се приберат фондови за непрофатните организации, понекогаш овој термин се користи и во смисла на барање инвеститори или други извори на капитал за профитни организации. 

 

Сунчица Саздовска
Раководител на дделението за
граѓанско општество и демократија во МЦМС