|
ONLINE VERSION |
|
|
PRINT VERSION |
|
Одбележан Светскиот ден без автомобили
На работа без автомобил - мудар избор
Светскиот ден без автомобили годинава скопјани и скопјанки го одбележаа еден ден порано. Настанот беше организиран од страна на Министерството за животна средина и просторно планирање и ГО “Проактива”, кои на 21 септември јавно и масовно ги поддржаа алтернативните и еколошки превозни средства. Водени од меѓународното мото за 2005 година, кое гласи: “На работа, без автомобил - мудар избор!” присутните ја поддржаа светската иницијатива за почиста и поздрава животна средина.
Колоната ја предводеа министерот за животна средина и просторно планирање, Зоран Шапуриќ, и министерот за одбрана, Јован Манасиевски, кои со велосипеди тргнаа по зацртаната маршута, а кампањата беше поддржана и од членови на дипломатскиот кор, пратеници во Парламентот, членови на Владата на Р. Македонија, велосипетската единица на МВР, активисти и искрени граѓани .
Иако времето беше врнежливо, граѓаните кои со велосипеди, ролерки или пеш го поддржаа Светскиот ден без автомобили, покажаа волја на Скопје да му подарат барем два часа здивнување од сообраќајниот метеж. Со желба да се намали аерозагадувањето во Скопје, барем еден ден во годината, но и да им ја олеснат маршрутата на присутните граѓани, организаторите ја затворија улицата “Димитрие Чуповски” цели два часа.
“Еден автомобил помалку”, беше мотото на активистите на ГО Проактива, кои неколку години работат на промоција на алтернативните начини на превоз. Во рамките на нивните активности насочени кон одржливиот транспорт, тие досега имаат реализирано повеќе активности и кампањи, меѓу кои: “Интегрален пристап за решавање на сообраќајните проблеми од одржлив аспецт”, “Користете јавен превоз, за велосипед повеќе”, “Вистински избор, без оловен бензин” и други.
Алтернативниот марш, кој беше организиран во рамките на оваа кампања, започна во 11 часот од кај фонтаната во Градскиот парк, и се одвиваше с$ до плоштадот “Пела”, каде организаторите ги почестија присутните со музички хепенинг. Пред започнувањето на сообраќајниот метеж во 15 часот, барем два часа улиците во центарот на градот каде што се одвиваше маршот живееја во духот на весела пешачка зона. А, потоа... За жал, с$ течеше по старо!
А.Т. |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
