|
ONLINE VERSION |
|
|
PRINT VERSION |
|
Еко-храна, Гевгелија
Одржливо органско земјоделство
Здружението Еко-храна од Гевгелија е едно од малкуте граѓански организации коишто фокусирано работат на една област на животната средина и земјоделството. Уште од 2002 година ова здружение, чиј полн назив е Здружение за производителите на органска храна и чувари на околината Еко-храна, го насочува своето внимание на производството на здрава, органски проеизведена храна.
Групата за развој на потсекторот домат и пиперка, во соработка со Агенцијата за поттикнување на развојот на земјоделството на РМ, работна единица-Гевгелија, успеа да го воведе стандардот ЕУРЕПГАП за свежо овошје и зеленчук во производството на домати под пластеници во Здружението на земјоделските производители “Еко-Храна”, а наедно и кооперанти на трговската фирма “Туран” од Богданци.
Процесот на примена на стандардот ЕУРЕПГАП е реализиран во рамките на активноста “Воспоставување и почитување договори за откуп со одреден квалитет и квантитет” помеѓу Здружението на производителите и трговската фирма како дел од програмата за работа на Групата за развој на потсекторот домат и пиперка (Еко-храна е член на групата и има свој претставник во Управниот одбор). Поддршка на оваа активност е обезбедена од МРФП како главен донатор на групата за развој на потсекторот домат и пиперка, а поддршка за сертификација е обезбедена од страна на повеќе проектни единици: СФАРМ 2 (проект за поддршка на земјоделските здруженија во РМ), МААСП (проект за поддршка на советодавни услуги во РМ), Лендолејкс и Агрипрексо и 50% од МЗШВ преку програмата за поттикнување на развојот на земјоделството на РМ.
Со проектот “Одржливо и органско земјоделие - чекор кон здравјето и зачувувањето на животната средина”, финансиран од Фондацијата Институт Отворено општество – Македонија, се промовира новиот начин на производство. Поточно, одржливото органско земјоделство се потпира на три аспекти на одржливост: економски, еколошки и социјален. М.И
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
