|
ONLINE VERSION |
|
|
PRINT VERSION |
|
Случај пред Јавното обвинителство
Кривична пријава против кршењето на детските права
Првата детска амбасада во светот Меѓаши и Здружението за заштита на правата на детето, во последните денови на мината година поднесоа кривична пријава до Јавното обвинителство против сторители кои дистрибуираат и продаваат приватни аматерски порно снимки до јавноста, на кои е снимена малолетничка од едно скопско училиште. Двете организации кои работат на заштита на правата на децата, пријавата ја поднесуваат врз основа на информациите објавени во електронските и печатените медиуми на 22 декември, 2004 година. цитирајќи го весникот “Дневник” во кој меѓу дргото стои: “Филмот во кој главни актери се шеснаесетгодишна ученичка од Скопје и нејзиното момче се продава во интернет-кафулињата за 100 до 200 денари. Скандалозниот филм трае половина час и изобилува со експлицитни сексуални сцени…”. Во кривичната пријава се повикува Кривичниот закон, на членот 152 став 1 и 3, за неовластено снимање, како и на членот 174 став 2, за изнесување лични и семејни прилики.
МЕЃАШИ и ЗПД, потенцирајќи дека во случајот станува збор за грубо кршење на правото на приватност, правото на углед и на личен интегритет и ја повикуваат државата да дејствува согласно и на Конвенцијата за правата на детето чијшто потписник е таа. Во членот 34 од Конвенцијата е наведено дека државите членки посебно ги преземаат сите соодветни мерки за спречување на експлоататорско користење на децата во порнографски претстави и списанија. Исто така, во членот 15 од Конвенцијата се наведува дека ниедно дете не смее да биде изложено на самоволно или незаконско мешање во неговиот приватен и семеен живот, како ни на незаконски напади врз неговата чест и углед. И двете организации во текот на јануари, годинава, очекуват од Јавниот обвинител по службена должност да покрене обвинителен акт против сторителите.
Даниел Медароски
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
