|
ONLINE VERSION |
|
|
PRINT VERSION |
|
Национални консултации
Соработка меѓу Светска банка и граѓанското општество
Триесет и осум претставници од повеќе граѓански организации од Македонија кои имале искуство во соработката со Светска банка, на 29-ти март во организација на Македонскиот центар за меѓународна соработка учествуваа на еднодневната работилница под наслов “Национални консултации за соработката меѓу Светска банка - граѓанско општество во Македонија”, каде што ги разменија и презентираа стекнатите искуства во соработката со Банката и дадоа препораки за поефикасна, идна соработка. Соработката е фацилитирана од Заедничкиот комитет за фацилитирање на соработката меѓу Светска банка и граѓанското општество (ЈФЦ), консултативна група задолжена за фацилитирање и изнаоѓање транспарентни и демократски механизми за поефективна соработка помеѓу граѓанските организации и Светска банка на глобално ниво, која верува дека зајакнатата вклученост помеѓу Банката и граѓанските организации може да доведе до поефективно намалување на сиромаштијата.
„Иако навидум резултатите постигнати на ниво од спроведени проекти поддржани од Банката се задоволителни, сепак не може да се говори за некои позначајни резултати или пошироки ефекти од самиот проект. Ова се должи на краткото времетраење на проектите (6 месеци), период кој не е ни одблизу доволен за да може да се согледа влијанието од спроведените проекти на пошироката околина или нивните мултициплирачки ефекти. Во оние места каде проектите треба да станат обврска на локалните власти, не постои ниту форма, ниту механизам кој ќе ја продолжи соработката меѓу локалната самоуправа и граѓанските организации, со цел да ги засилат ефектите од проектот и да овозможи оддржливост”... се дел од посочените искуства, кои заедно со усвоените препораки за поефикасна соработка, се презентирани преку одбраните претставници на одржаниот Светски политички форум во Вашингтон од 20 до 22 април. К.Б
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
