Агенција на САД за меѓународен развој

Четиристотини милиони долари во Македонија

Агенцијата на Соединетите Аме­ри­кански Држави за меѓународен развој (УСАИД) во последните два­наесет години инвестира че­­тиристотини милиони долари во Македонија. Само во последните пет години, проектите коишто ги поддржа УСАИД вклучуваат по­веќе од 150 реновирани учи­лиш­та, 77 подобрени системи за водоснабдување, како и повеќе од сто спортски игралишта. Преку оваа иницијатива се инвестирани повеќе од 25 милиони долари во македонските локални органи­за­ции.

Неодамна во Скопје се промовира книгата “Самопош за заедни­ците” во којашто се документирани голем број проекти за развој на локалните заедници во Македонија поддржани од УСАИД. 

“Примарна цел ни беше да на­пра­ви­ме механизам со којшто ќе ги пот­тикнеме граѓаните да бидат активни во своите општини. Корист од нашите проекти имаат над 1,5 милиони граѓани од Ма­ке­донија”, изјави Дик Голдман, директор на УСАИД во Македонија.

УСАИД многу вложи и во македонското образование. Така, образовната програма “Заедно инвестираме во иднината на Македонија”, поддржана од американ­ска­та агенција, е дел од реформи­те во образованието во нашата зем­ја, проект којшто се состои од четири целини: проекти за кре­ативна настава и учење, за образование на децата од ромската популација кој, се работи во соработка со Фондацијата “Со­рос” и ГО “Сончогледи”. Третиот про­ект е “Е-школо” за инфор­ма­тичка технологија, кој се реализира со поддршка на НР Кина, од каде што пристигнаа 2.000 компјутери за македонските учи­лиш­та, додека, пак, УСАИД ќе ги инсталира во компјутерските ла­бо­ратории во сите средни учи­лишта.

Четвртиот е проектот за средно образование, со кој се предвиде­ни виртуелни компании во учи­лиш­тата со што средношколците ќе можат да го пронајдат својот пат во кариерата.                             

М.К.