|
ONLINE VERSION |
|
|
PRINT VERSION |
|
Кампања на Црвениот крст на Град Скопје
Хуманитарна акција за подобрување на условите во домовите за стари лица
Во периодот од 19 ноември до 19 декември, годинава, Црвениот крст на Град Скопје, во соработка со Космофон, ја реализира големата хуманитарна акција „Сите сме нивни деца”, која ќе биде наменета за подобрување на условите во домовите за стари лица „Мајка Тереза” во Злокуќани, „Зафир Сајто” во Куманово, „Киро Крстевски-Платник” во Прилеп и „Сју Рајдер” во Битола. Оваа акција е продолжение на акцијата од 2005 година, за која заштитно лице беше трагично загинатиот Тоше Проески, а во која биле собрани околу 15.000 евра. Црвениот крст ќе отвори жиро-сметка, а Космофон специјален број за донација. Покрај можноста да донираат по 50 денари преку СМС или со повик на бројот 075-140-100, граѓаните можеа истата сума да ја дадат и ако купат вредносен купон или пополнет ваучер на произволна сума и ако го уплатат на специјалната жиро-сметка на Црвениот крст. Новина е тоа што годинава на штандовите на Црвениот крст се продаваа шолји со логото на кампањата по цена од 150 денари. На 1 декември се одржа и хуманитарен настан на Градскиот плоштад во Скопје. Во текот на акцијата се користеше песната и видеоспотот „Сите сме нивни деца” од 2005 година, во кој, покрај Тоше, учествуваа уште неколку познати музички ѕвезди.
“Жителите на домовите се луѓе на кои она што најмногу им недостасува е добар збор и мало внимание. Во изминатиов период имавме прилика да ги посетиме овие институции, да поразговараме со станарите за нивниот живот, да слушнеме што им е неопходно и како можеме да им помогнеме. Нема да верувате, она што им недостасува се толку мали нешта, што животот го прават да биде убав и искрен. Верувам дека ќе добиеме голема поддршка од граѓаните и сите заедно предновогодишните празници, односно деновите кога се подарува, ќе им ги посветиме на највозрасните” - вели секретарот на Црвениот крст на Град Скопје, Сузана Тунева-Пауновска. Од Црвениот крст на Скопје велат дека кампањата му ја посветуваат на прерано загинатиот Тоше Проески, кој беше заштитно лице на истата, во 2005 година.
С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
