|
ONLINE VERSION |
|
|
PRINT VERSION |
|
Развој на граѓанскиот сектор
Од организациска поддршка кон градење на капацитет
Низ низата изминати години на развој на граѓанскиот сектор во Македонија многу се говореше и многу се вложуваше во градење на капацитетите на организациите, при што првиот синоним - она што главно се практикуваше - беа обуки за членовите и активистите на организациите. Многу поретко практикуван беше пристапот на организациска поддршка.
Организациска поддршка - една од формите на градење на капацитет
Според дефиницијата на УНДП, градењето на капацитетите претставува процес преку кој индивидуи, групи, организации и институции ги подобруваат своите способности за:
1) извршување на функциите “core”, решавање на проблеми, дефинирање и постигнување на цели и
2) разбирање и пресретнување на нивните развојни потреби во поширокото опкружување, во правец на нивна одржливост.
Градењето на капацитетите може да се одвива на повеќе различни нивоа: индивидуално, организациско (микро ниво), на ниво на сектор (мезо ниво) и на ниво на држава (макро ниво).
Макро ниво Капацитет за анализирање, проценка На ниво на
и добро поставување на организацијата држава
во нејзиното опкружување
Мезо ниво Капацитет за зголемување на ефикасноста На ниво на
и ефективноста на секторот во целина сектор
Микро ниво Капацитет за зголемување на ефикасноста На ниво на
и ефективноста на организацијата организација
Индивидуално Капацитет за зголемување и подобрување На индиви-
ниво на перформансите на човечките ресурси дуално ниво
во организацијата
МЦМС во своите програми ја дефинира организациската поддршка како:
“Јакнење на организацискиот и институционалниот капацитет на организацијата во правец на нејзина самоодржливост”.
Јакнењето на организацискиот капацитет на организациите подразбира јакнење на системите (вкучувајќи ја и институционалната меморија) и процедурите, структурата, стратегијата, човечките капацитети, раководењето со човечките ресурси и раководењето со организацијата, воопшто.
Институционалниот капацитет подразбира добро познавање и разбирање на генералното опкружување, релациите и односите помеѓу специфичните актери и фактори, како и способноста организацијата да се постави и да се одржува во опкружувањето.
Одржливоста главно се однесува на способноста на организацијата да ги развива и да ги подобрува своите перформанси и по завршување на организациската поддршка од страна на донаторот.
Битно е да се напомене дека организациската поддршка се разликува од проектната или програмската поддршка, кои се краткорочни (додека трае спроведувањето на проектите и програмите), зависат искучиво од достапноста на фондовите на донаторите и се насочени исклучиво кон остварување на целите и задачите на проектот/програмата.
Избор на инструменти и методологија за организациска поддршка
Досегашната практика на МЦМС во организациската поддршка главно е комбинација од финансиска и техничка поддршка.
Финансиската поддршка е наменета за:
овозможување на функционирањето на канцелариите (канцелариски трошоци, локални транспортни трошоци, канцелариски материјал и техничка опрема);
плата/хонорар за извршување на работа која не е директна спроведувачка активност на некој проект/програма туку има за цел развој на организацијата;
транспарентност (публикување на годишни извештаи, финансиски ревизии);
информации (билтени, лифлети, веб-страници, публикации и др. информативни материјали, истражувања, прес- конференции).
Техничката поддршка се однесува на: обука, консултантски услуги за воведување, промена и развој на системи, процедури, промена на организациска структура и други организациски промени.
“Скроена” поддршка наспроти ист пристап за сите
Организациите во Македонија се со различен степен на развој и професионализам и оттаму, тешко е да се состави комбинација на инструменти и да се избере еднаква (онце фит алл) методологија за организациска поддршка. Пакет што е дизајниран според индивидиуалните потреби на секоја организација е најсоодветно решение. Но, и покрај тоа што е јасно дека скроениот пристап за организациска поддршка има свои предности во однос на примена на општ (генерален) пристап за сите организации, многу е битно при дефинирањето на пакетот за организациска поддршка како основа да се земе проценка на капацитетите на организациите од страна на компетентни и независни проценувачи за да не се случи организациската поддршка да се сведе на “листа на желби” на организациите, која и покрај скроениот пристап нема да го постигне саканиот ефект.
(Извадок од Оценка на методологиите за организациска поддршка на МЦМС, МДФ 2003)
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
