|
ONLINE VERSION |
|
|
PRINT VERSION |
|
Промоција
“Ози Озон”
Сликовницата и цртаниот филм со наслов „Ози Озон - чувар на нашата планета” беа промовирани по повод 16 септември, Меѓународниот ден за заштита на озонската обвивка. Невладината организација ОХО на овој начин го продолжува спроведувањето на еколошко-едукативната програма „Немаме резервна планета”, наменета, пред с$, за предучилишните институции и основните училишта во Македонија. По сликовницата „Како да се спаси дрво”, „Ози Озон” е втората од предвидените пет сликовници. Сликовницата бесплатно ќе биде дистрибуирана низ детските градинки и училиштата во државата. Цртаниот филм е во траење од 9,30 минути, прилагоден е на возраста на децата за кои е наменет и ќе биде доставен до националните и до локалните телевизии, со цел да стане достапен до пошироката јавност. Целта на овие продукти е преку ликот на Ози Озон да се објасни озонската обвивка, нејзината функција, каде се наоѓа, од што е составена, од што е загрозена и, на крајот, кои се начините за нејзината заштита.
Во текот на деветгодишната континуирана работа на програмата „Немаме резервна планета”, ОХО започна со екоедукација на најмладата популација, изработи сетови со екоигри, го заокружи создавањето на прирачникот за екосекции и создаде мрежа од 20 екоучилишта низ Македонија. Следниот чекор, како што појасни Александра Младеновска, директор на Програмата, е ширење и спроведување на програмата во земјите од нашето соседство.
На промоцијата учествуваа Роман Дарбели, шеф на Швајцарската канцеларија за развој и соработка, која континуирано ја поддржува еколошката едукација во РМ, и Марин Кочов, менаџер на Одделот за заштита на озонската обвивка при Министерството за животна средина и просторно планирање.
Т.Д.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
