|
ONLINE VERSION |
|
|
PRINT VERSION |
|
Хрватска
Прецизно регулирање на финансирањето на политичките партии
Транспарентност Хрватска го објави истражувањето на јавното мислење, кое покажува дека 89,5% од граѓаните сметаат дека во Хрватска е потребно прецизно регулирање на финансирањето на политичките партии и кампањите. За 61,2% од граѓаните главен мотив за давање донација е очекуваната противуслуга, било деловна или куповна, а 24,2% од анкетираните сметаат дека донациите се последица на добрите приватни односи не поединците, односно на луѓе на одредени фирми со челници на партии, односно кандидати. Според мислењето на 7,6% од испитаниците главен мотив за донирање средства е согласувањето со политичката програма на партиите или кандидатите.
Транспарентност интернационал Хрватска го смета истражувањето за уште една потврда за потребата од што поскоро донесување закон, кој попрецизно ќе го регулира финансирањето на политичките партии и кампањи.
Г.Ш. извор: one world
Србија
Обезбедување средства за работата на ГО
Истражувањето “Секторот на НВО” во Србија, кое Граѓанските иницијативи и Федерацијата на невладините организации на Србија го спроведоа на почетокот на оваа година, јасно говори за лошата финансиска состојба на граѓанските организации (ГО) во оваа земја. Добиените податоци покажуваат дека основни финансиери на ГО се донаторските организации (74%), што е два пати повеќе во однос на следниот рангиран извор на финансирање, локалната самоуправа (36%).
Имајќи ги предвид овие информации и трендот на намалување на странските донатори, фондовите за поддршка на ГО, истражувачите сметаат дека е вистинско време да се започне со систематски чекори во процесот на обезбедување средства за работа на ГО од домашни извори. За олеснување на процесот, за почеток е предложено да се воспостави соработка со локалната самоуправа, со обезбедување средства од буџетот на општините, односно градовите. Со започнување на овој процес на систематски начин, се смета дека ќе се зголеми учеството на општините во финансирањето на ГО и од моменталните 36%, ќе се достигне минимумот од 75%, во идните две години.
Г.Ш. извор: one world
Албанија
Легислатива за непрофитните организации
Во склоп на заедничките активности како дел од Мрежата отворено општество Албанија (НОСА), Албанската фондација отворено општество (ОСФА) и Партнерите-Албанија во соработка со група експерти од полето на легислативата и економијата уште од 2005 година работат на анализата на законските одредби што го регулираат дејствувањето на непрофитниот сектор во Албанија.
Анализата ќе послужи за дополнување на недостатоците во законските одредби, за олеснување на секторот на непрофитните организации во правец на пронаоѓање алтернативни извори на финансирање во услови на недостаток или намалување на финансирање од странските донатори и подобрување на имиџот на непрофитните организации. За произлезениот извештај од експертската група се расправаше во пошироки групи претставувани од непрофитните организации и донаторите на тркалезни маси, организирани во неколку градови на Албанија во периодот април-мај годинава.
Г.Ш. извор: one world
Босна и Херцеговина
Се бара информација
Конзорциумот на организации од Босна и Херцеговина оваа пролет ја покрена кампањата „Се бара информација!”. Со цел да се промовира правото до слободен пристап до информации, истовремено во осум градови – Зеница, Мостар, Дрвар, Ливно, Зворник, Бихаќ, Тузла и Сараево на 28 септември, на Меѓународниот ден на правото за слободен пристап до информации, ќе бидат реализирани низа интерактивни работилници, јавни презентаци на градските плоштади, тркалезни маси и вечерни забави.
Законот за слободен пристап до информации е усвоен во 2000 година, но процесот на негово спроведување се одвива многу бавно, поради две причини. Првата лежи во фактот што голем број владини агенции не го завршиле подготвителниот процес за активно спроведување на овој закон, а втората причина е многу слабата информираност на јавноста со Законот и правата коишто произлегуваат од него.
Г.Ш. извор: one world
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
