луѓе: ХАЈРИЈЕ АХМЕД

Уживајте во животот и танцувајте низ него

Професионално искуство:
Програмски координатор во Фондацијата  Институт отворено општество - Маке­донија.

Ангажираност во граѓанскиот сектор:
Од 1998 до 2001 година ангажирана во “Сојузот на албанската жена во Маке­донија”, две години потпреседател на САЖМ - огранок Чаир и од 2002 година вработена во ФИООМ како координатор на програмата “Подобрување на меѓуетничките односи” во Македонија, финасирана од Фондацијата Институт отворено општество, Фондацијата Крал Бодуен и Фондацијата Чарлс Стјуарт Мот.

Амбиции:
Квалитетно, навремено и ефикасно завршу­вање на обврските. Секое ново искуство е добредојдено.

Хоби и интереси:
Читање книги, слушање музика, а голем дел од слободното време е посветено на игрите и прошетките со синот. Вниманието ми го задржуваат и активностите на различните граѓански иницијативи, кои се во насока на општо добро.

Во слободното време чита:
Во работната соба с$ уште имам многу книги кои  ме чекаат да ги прочитам. Последна прочитана книга ми е “Нов живот” од Орхан Памук. Во моментов ја читам книгата “Изгубени во рајската градина” од Божин Павловски.

За време на викенди:
Викендите со задоволство ги чекам и тогаш целосно се посветувам на семејните дружења со сопругот и синот. По задолжителното утринско кафе и појадокот, ги завршувам домашните обрски. Остатокот од времето се трудам да го поминам во надополнување на сите пропуштени работи во текот на работната недела.

Најтешка одлука:
Сметам дека најголем дел од одлуките во животот ми  биле правилни. За сите нешта, планирани или непланирани, лоши или добри, си велам: “ЗДРАВЈЕ.... тоа е тоа,  с$ ќе се среди и ова е искуство за понатаму”.

Кој национален (локален) проблем го смета за особено важен:
Живееме во  држава која е во транзици­ја и на која & треба и поддршка од  самите нас - граѓаните. Тука ја гледам поврзаноста и соработката на владиниот и невладиониот сектор бидејќи за граде­ње успешно, демократско и стабилно  граѓанско општество сите заедно треба да придонесеме, секој во рамките на својата надлежност. Иако свеста и желбата уште не се разбудени  максимално, верувам дека можеме и сакаме подобри нешта. Економско-социјалната состој­ба на граѓаните, исполитизираното оп­штес­тво, меѓуетничката нестрпливост, коруп­цијата, а пред с$, невработеноста”.

Кој глобален проблем го сметате  за особено важен, и зошто:
Тероризмот и воените конфликти, како стагнација во развојот на човештвото.

Што би променила во Македонија и во светот:
Да нема војни,  конфликти, луѓето с$ повеќе да се сакаат и да се почитуваат ме­ѓу себе, без разлика на етничката и верската припадност. Посакувам Маке­донија за краток временски период да ја видам како членка на ЕУ.

Совет (порака):
Уживајте во животот и танцувајте низ него. Почитувајте го туѓото мислење, но не е задолжително секогаш и во секое време да ги прифатите туѓите ставови”.