ЗДРУЖЕНИЕ “ГРНЧАР”, ВРАНЕШТИЦА

Да се сочува традицијата и знаењето

Здружението на граѓаните “Грнчар” од село Вранештица, Кичевско, постои само неколку месеци. Тоа е формирано од група грнчари од ова село, познато како најголема грнчарска заед­ница во Маке­донија, но и како место каде се произведуваат најквалитетните гли­нени про­изводи.

Грнчарите од Вранештица по­кренаа иницијатива за зачу­вување на оваа традиционална вештина, за пре­не­сување на знаењето на помла­дите, за мо­дер­низирање на некои фази од процесот на производство, како и за афирмација на нивните производи. Тоа го сторија преку програмата “Живо наследство” којашто во Македонија ја спро­ведуваат Фондацијата Институт отворено општество - Маке­донија и Фон­дацијата Крал Бодуен од Белгија, а чија цел е да се поттикне развојот на локалните заедниците преку култур­ните ресурси.

Здружението организира обука на млади луѓе и на деца од локалното училиште, кои ја научија традиционалната вештина на работа на грнчарско колце и изработка на предмети од локална глина, која се копа во близината на селото. Исто така, грнчарите добија стручна помош и обука од Репуб­личкиот завод за здравствена заштита за моде­рни­зација на фазата на глазирање и приготвување глазура која не содржи олово. На пре­зен­та­цијата и прес-кон­ференцијата којашто во ноември се орга­низира во Музејот на Маке­донија во Скопје, беа пре­зен­тирани брошурата и сер­тифи­катите за здравствената исправ­ност на производите, изда­дени од Републичкиот завод за здрав­ствена заштита. На оваа пре­зентација беше демон­стри­рана изработка на производи на грнчарско колце, а исто така беа презентирани и локални спе­цијалитети, зготвени во гли­нените садови.

Грнчарите од Вранештица изгот­вија и веб-страница:

www.vranestica-grancer.org.mk

М.И.