Проект на Асоцијацијата за демократски иницијативи “Мониторинг на процесот на децентрализација” Асоцијацијата за демократски иницијативи - АДИ од Гости­вар, во текот на август го заврши проектот “Мониторинг на про­це­сот на децентрализација” чија имплементација траеше една година. За ефикасно мониторирање на процесот на децентрализација биле задолжени 4-те мониторинг центри за човекови права ос­но­вани од страна на АДИ во Прилеп, Тетово, Гостивар и Охрид и двата поддржувачки центри во Битола и Струга. Цен­три­те ги собирале информациите од локалната самоуправа, јавните институции и подрачните министерства поврзани со трансферота на над­леж­нос­тите од централно на локално ниво, пра­веј­ќи паралела помеѓу про­ме­ните што се предви­де­ни во законите за децен­тра­лизација, произле­зе­ни од Рамковниот дого­вор и нивната практична имплементација.  Во рам­ките на проектот се изработени 12 извештаи на различни теми: транспарентноста во локалната самоуправа; административните капацитети и фис­калните ресурси во општините; примената на дво­ја­зич­ни­те документи; одвивањето на референдумот; центарот за информирање на граѓаните во рамките на општината; економскиот развој; инфраструктурата; месното самоуправување; децентрализацијата во образовните институции; децентрализацијата на културата; трансфер на надлежностите од централната, на локалната власт.  Во текот на април и мај се одржани јавни дебати во мониторираните градови При­леп, Тетово, Гостивар и Охрид, на кои граѓаните имале можност одблизу да се запознаат со проектот и со обработува­ни­те теми. Подетални информации на њњњ.ади. орг.мк                                                                                             К.Б.