Дом на културата Браќа Миладиновци - Струга

Промоција на книгата “Лабуништа”

Во Домот на културата “Браќа Миладиновци” во Струга беше промовирана мо­но­графијата за селото Лабуништа, од авторот Фадил Мустафоски-Мустоски, во издание на “Ирис” од Струга.

Во неа низ бројни фотографии авторот ја отсликува историјата на ова село низ разни периоди. Рецензенти на монографијата и наедно нејзини промотери се д-р Стојан Ристески, д-р Наум Мариноски и д-р Михајло Будиноски, кои за авторот велат дека е вљубеник во неговото родно село. Во растежот на Лабуништа од тем­нината на неписменоста до сегашниот степен на развој, тој се вградил и самиот, носејќи ја и желбата за уште поголеми достигнувања. Фадил Мустафоски-Мусто­ски посветил особено внимание  на ет­но­графските одлики, во коешто поглавје ставил посебен акцент на архитектурата, на обичаите, на народните носии, на народниот говор и на топономијата. Вредноста на монографијата е во тоа што нас­та­ните се прикажани хронолошки, а бројните географски, етнографски и дру­ги податоци - потеклото, обичаите, животот на населението, авторот ги презентирал мошне солидно, темелно и објективно.

Стојан Кукунешовски