луѓе МЦМС избра нов Управен одбор На 16 декември 2004 година членовите на Советот на МЦМС го избраа новиот Управен одбор. Г. Мирко Спи­роски, досегашен претседавач на УО се повлече од фун­кцијата. Тој беше дел од ова тело од основањето на МЦМС и со својот личен ангажман значајно придонесе за развојот на МЦМС, а на тој начин и за развојот на граѓанското општество воопшто. Граѓанските организации во повеќе наврати ја потенцирале по­требата од афирмирање на принципот на заменливост не само во нивните редови, туку во државата воопшто. Но, сепак примерот доаѓа од нивите редови. Новите членови на УО на МЦМС се: Наташа Габер, претседавач на Управ­ниот одбор на МЦМС; Драги Костадиновски, заменик-претседавач; Билјана Герасимовска, Свето Стефановски, Андон Мар­ковски, Бехиџудин Шехапи, Мухамед Точи, Имер Селмани, Михаил Цеков и Зејнула Фазлиу членови на УО. На пригодна свеченост МЦМС им се заблагодари на Мирко Спироски, Теута Чучкова-Крашница и Букурие Бајрами кои досега беа членови на Управниот одбор. Г.Ј.