Национална кампања “За еднакви можности”

Жените бараат 30% од кандидатските листи за изборите

Жените од Сојузот на организациите на жените на Македонија, поддржани од ОБСЕ и од Министерството за труд и социјална политика, на следните избори ќе се залагаат за освојување 30% во горните и долни­те делови на кандидатските листи. На  27 септември тие ја промовираа националната кампања “Повеќе избрани жени на парламентарните избори 2006 - за еднакви можности”, во рамките на којашто ќе побараат и поголем процент на жените во изборните тела.

Можете да бидете горди на она што досега го постигнавте со порастот на процентот на жените. Учеството на жените на ло­кал­ните избори на партиските листи се зго­леми на 30 проценти, од што резултатот беше зголемување на бројот на жените советнички од 8,4 на 22,4 отсто”, рече Виктор Улом, шеф на одделот за владеење на правото во ОБСЕ, кој нагласи дека според сегашната рангираност на жените во политиката, Македонија е на второто место во регионот.

Тој потенцира дека жените треба да бидат поприсутни на кандидатските листи, но и да добијат поистакнати места во изборните тела. Претседателката на Законодавно-правната комисија во Собранието, Цве­тан­ка Иванова, из­ја­­ви дека работната вер­зи­ја на законот за еднакви мож­нос­ти е го­това, но и дека со  законот ќе се придоне­се за подобрување на статусот на жената во општеството, а ќе се дефинира и дискриминацијата, половото вознемирување и механизмите за нивно спречување. Елена Гроз­да­нова од Министерството за труд и социјална политика оцени дека проектот за зго­лемување на учеството на жените ќе придонесе за имплементација на влади­ниот Национален акциски план за унапредување на половата рамноправност.

                                                             
Ж.Ѓ.