ЕВРОПСКА УНИЈА

Ирско претседателство

Ирска, која го презеде претседателството со Советот на Европа на 1 јануари, ги иден­тификува претстојното проширување и односите со новите соседи како први од четирите приоритетни цели. Ирска е одлучна во намерите да го забрза приемот на Бугарија и на Романија, односно да ги заврши пре­говорите до крајот на 2004 година, а потен­цијален рок за нивниот прием да биде 2007 година. Во регионот на Западен Балкан, сегашното претседателство ќе настојува целосно да се имплементираат обврските од заедничката агенда за Западен Балкан од Солун и ќе им помага на земјите од регионот во реализација на нивните цели за евен­туална интеграција во структурите на ЕУ. Мислењето на комисијата за апликацијата на Хрватска за членство во ЕУ се очекува за време на ирското претседателство. Пред­видено е исто така и усвојување на “Ак­цискиот план” за голем број нови соседи на ЕУ на Европскиот совет во 2004 година. Во однос на Русија, фокусот ќе се стави на политичкиот дијалог по регионални и глобални прашања од интерес. За повеќе информации околу про­грамата на прет­седателството посетете ја http://www.eu2004.ie/. 

Т.Х.