Фестивал на неограничениот мир

Кажи НЕ на чкрапалото

Со прикажување на документарецот „Мојот прв истрел” во Мла­дин­скиот културен цен­тар во Скопје почна ово­годишниот Пис анли­митет  фестивал (Пеаце Унлимитед Фестивал), кој веќе седма година е во организација на невладината организација  „Цивил”. Мотото на фестивалот, кој се одржуваше од 25 до 28 октомври, беше  „Стави го прстот на гитарската жица, не на чкрапалото!” , е избрано како доказ дека музиката, сликарството, театарот  и литературата се универзалниот јазик кој ги надминува насилството и оружјето.

„Уметноста, дружењето и забавата се алтернатива за смртта и уништувањето”, истакнуваат членовите на „Цивил”. Фестивалот на „Неограничениот мир” им понуди на скопјани можност да му кажат „не” на насилството преку концертот на Бени и групата „Нон-стоп”, преку проекција на филмовите „Мираж” и „Хрватска (к)рај на земјата”, а во акција за стопирање на насилството се вклучија и македонските бендови „Мутер фугер”, „Вајт нојс ин а вајт рум”, како и косовската група „Инбус”.  Посебен ден беше одвоен за детската програма, а во рамките на детскиот фестивалски ден беше прикажана и претставата „Бен, бенг, мртов си”.

М.К.